Lagoa de Alcaián

Lagoa de Alcaián
Seavia - Coristanco

31 oct. 2011

UN MES... CANTOS REFRÁNS?

Inauguramos o mes de novembro cunha nova sección que nos vai axudar a descubrir ou (re)aprender refráns galegos vinculados a cada mes. Xa sabedes que a sabedoría popular sempre manda, así que toca ir preguntándolle ao mundo, á xente que nos rodea que é quen máis sabe (case) sempre...

Todos os refráns que averigüedes vinculados co mes de novembro, rexistrádeos como un comentario a esta entrada e ireinos subindo á sección que xa podedes ver na marxe dereita do blog.


A que estades esperando? O mes, digo... o tempo voa!

8 comentarios:

  1. Novembro,se as flores dan,colle o azafrán.

    Se en novembro oes que trona,a seguinte colleita será boa.

    Allo¿porque non medraches?Por que no San Martín non me plantaches.


    Estes 3 dixomos miña avóa cando lle preguntei.

    ResponderEliminar
  2. Rematado novembro, quen non sembrou, que non sembre. (Coral 3ªA)

    ResponderEliminar
  3. Graciñas, Suso e Coral, por estes primeiros avances refraneiros. A listaxe comeza a medrar. Por certo, Coral, onde o descubriches? É bo que indiquedes quen son as fontes que vos aprenden estes refráns, como fixo Suso.

    ResponderEliminar
  4. novembro chuvioso, ano copioso

    ResponderEliminar
  5. Por todos os Santos,os trigos sembrados e todos os froitos na casa encerrados.

    Para todos os Santos a neve nos altos.

    Estes refráns contoumos a miña avóa.

    ResponderEliminar
  6. Que sabias son as avoas, verdade? Pois as nais tamén, velaí un que me "sopraron" a min hoxe:
    No mes dos mortos, mata os teus porcos.

    Seguimos?

    ResponderEliminar
  7. Alba 3ºA5/11/11 12:24

    novembro acabado, inverno empezado.

    ResponderEliminar
  8. Ángela 3ºA11/11/11 3:37

    En San Andrés colle o porco polos pés.
    Polo San Martiño mata o teu porquiño.
    Polo San Martiño pan e viño.
    En San Martiño deixa a auga e bebe o viño.
    O verán de San Martiño, son tres días e mais un pouquiño.
    Despois de San Martiño cada dia seu feradiño.
    Dende santos a nadal, é inverno natural.
    Díxomos miña avoa.

    ResponderEliminar