Acabamos de saber que hoxe nos deixou para sempre Xaime Isla Couto, un dos nomes propios que contribuíron á recuperación da lingua, literatura e cultura galegas naquela durísima posguerra na que nos fomos mergullando no pasado trimestre nas aulas de 4º.
Sen o seu traballo e compromiso non tería nacido a Editorial Galaxia en 1950 nin outros moitos proxectos de rexeneración cultural e restauración da dignidade galega por aquel entón tan negada.
Déixovos esta pequena reseña que xa figura na web da Editorial Galaxia ( http://www.editorialgalaxia.com/weblog/) e mais unha gravación para que sexa el propio quen nos fale da súa historia de vida.
Deica sempre Xaime Isla Couto e grazas por todo!
Ningún comentario:
Publicar un comentario