Lagoa de Alcaián

Lagoa de Alcaián
Seavia - Coristanco

3 nov. 2012

NOVA DESCUBERTA VIAXEIRA!

Judith e Lucía descubríronos o fermoso e orixinal faro de Punta Nariga que saíu pola xaneliña viaxeira estes días pasados. Graciñas ás dúas pola súa participación sempre atenta!

Judith, ademais, cóntanos información ben interesante sobre este faro galego de recente construción e partíllaa con tod@s nós. 

Ollade e descubriredes un interesante punto de destino viaxeiro...

O faro de Punta Nariga está en Malpica, e é o último faro que foi construído en España, en 1998. Está situado entre as illas Sisargas, o cabo de San Adrian e a punta do Roncudo.
 
Ten un alcance de 22 millas náuticas e é de luz branca. Está sobre unha torre cilíndrica de sillería e está a 39 metros de altura a nivel do mar. O cilindro da torre está construído con granito de porriño.
 
Foi construído en base ao deseño do arquitecto César Portela. A súa forma triangular divide os seus vértices facendo que cada un deles cobre un particular significado. O nordeste penetra na roca, coma se formase parte dela, mentres que o sueste aseméllase á muralla dunha fortaleza. O faro orientado ao oeste preséntase coma a proa dun barco que surca as augas, coroada por unha escultura de bronce. É unha estatua do artista Manolo Coia, tallada en 1994, cuxa figura debátese entre o humano e a forma dunha gaivota, como un ave a piques de voar.

No hay comentarios:

Publicar un comentario