Lagoa de Alcaián

Lagoa de Alcaián
Seavia - Coristanco

29 sept. 2015

POEMA PARA DESPEDIR SETEMBRO




Imos despedir este mes de setembro propio do reencontro nas aulas cun poema de Marta Dacosta do seu libro As amantes de Hamlet.

Que imaxes, sensacións ou pensamentos vos provoca a súa lectura?



Cando o instinto manda
e unha forza igual ao amor arrástranos
non importa que os anos marcaran as miradas
ou que as mans xa perderan o xeito adolescente.
O día interminábel instálase na mente
e as linguas que marmuran pexan os nosos pasos,
mais en chegando a noite
as coxas reconstrúen os anos que se foron
desandan os camiños e volven a outro tempo.

A lúa de setembro devólvenos os corpos
cos que nos desexamos hai xa tantas vendimas

No hay comentarios:

Publicar un comentario