A compañeira de 3ºA, Judith, descubriu esa foto enigmática que tantos días levaba á espera de ser descuberta. Velaquí a súa resposta para partillar con tod@s!
Os
Batáns de Mosquetín en Vimianzo están formados por sete muíños e tres
batáns recollidos en dous edificios de planta rectangular situados entre
o río e as canles, dispostos paralelamente ambos os dous.
O edificio
máis afastado do río consta de tres estancias que albergan os batáns, os
"Muíños de Arriba" e o "Muíño do Relón". O segundo, o dos "Muíños
Albeiros", tamén se divide en tres estancias, que neste caso só albergan
muíños.
Os batáns eran empregados para mazar o liño e a la, mentres que
os muíños son todos eles de fariña, do modelo máis clásico e frecuente en
Galicia, e teñen a roda que recibe o impulso da auga en posición
horizontal, mentres que o eixe que leva o movemento ás rodas está en
posición vertical.
Dende finais do ano 1997 o conxunto veu sufrindo todo
un proceso de rehabilitación. Todas as intervencións levadas a cabo, así
como as que se teñen previstas están encamiñadas a unha futura
conversión dos batáns en museos, cunha área de ocio no seu ámbito.
A esta información tan completa que puxo a compañeira, gustaríame engadir que os Batáns de Mosquetín actualmente encontranse nun bo estado de conservación,xa que pertencen a Deputación da Coruña que os reforman para recuperalos.
ResponderEliminar