As horas centrais deste martes foron ben excepcionais fóra das aulas. A aula de lingua e literatura mudou de espazo, cedéndolle o protagonismo á Casa-Museo de Asunción Antelo, veciña da parroquia de Seavia.
Desta volta, tiñamos lido previamente algúns dos seus poemas e relatos e quixemos homenaxeala cunha lectura colectiva da súa propia obra, escrita con moitas dificultadas, sen apenas acceso á educación, ao longo dos seus 95 anos de vida.
A descuberta da nosa escritora e artesá máis ilustre, Asunción Antelo, e do seu impresionante museo, deixou unha fonda pegada en todas nós.
Grazas, Asunción, por tan bo exemplo humano, por tanta xenerosidade e por tanta lección de vida a contrafío!
Grazas tamén a Isabel Rey por nos facilitar este encontro e continuar dando vida ao legado de Asunción!
Ningún comentario:
Publicar un comentario